神马文学网2008-06-06
来源：百度文库 编辑：神马文学网 时间：2024/10/06 09:13:08
信報財經新聞 曹仁超2008-06-06 投資者日記 政府高官自以為老闆
6月5日，周四。恒生指數升132.04，收24255.29；成交636.89億元。6月期指升327點，收24230點。中國網通（906）升2％，報23.25元；中石化（386）升4.4％，報8.02元；中海油（883）跌2.1％，報12.98元。紐約期油跌1.6％，收122.30美元，由5月22日至今已回落8％。OPEC主席認為，如美元轉強，油價可進一步下跌。巴西發現近三十年內最大嘅油田，但唔易開採，估計開採成本約2400億美元，80%係石油，存油達五百億桶（超過利比亞）；另20％係天然氣（一桶油相當於七百至一千立方米天然氣）。
內房股仲未見底
5月份內房股表現幾令人失望，例如上置集團（1207）跌幅達26％。今年1月至5月內房股跌幅亦唔細，如首創置業（2868）跌幅達43％【圖一、二】。摩根大通中國地產指數今年首五個月下跌28％（同期恒指跌13％），可以講內房股全面轉弱。不過，5月份內地樓宇成交額無論上海、北京、深圳及廣州都回升（5月12日人行再公布提高銀行存款準備金率）。
家吓內房股今年平均O（以今年預測純利計）係十五點九倍，明年估計純利O十一點二倍。其他中價股O只有七點七到十一點七倍，即依家內房股O計仍略為偏高。摩根大通估計，短期內房股仍有下跌空間，唔排除今年下半年才見底。
美國MBIA及世界最大債券保險公司Ambac宣布唔會再集資去維持三A評級。穆廸今年第二次評估兩公司信用，認為佢地唔增加資本，可能會失去三A評級，繼而令股價急跌。
法國第三大銀行Credit Agricole股價再跌6.7％，成15.57歐羅，係2003年4月以來最低；佢為去年資產撥備55億歐羅而須集資59億歐羅。5月13日宣布三股供一股，發行新股每股10.6歐羅，至今股價已下跌25％。
花旗推介兗州煤業（1171），認為山東省政府6月2日通知7月至9月唔准加價只係暫時性。亦推介澳科控股（2300），目標價10.7元，估計今年每股獲利53仙，升22.7％，O十六點一倍。
內地幾大航空公司已向民航局提出申請，提高燃油附加費（依家八百公里以下每位旅客60元，八百公里以上每位100元）。
另一方面，印度國會通過減少汽油補貼，令汽油零售價升8-17％。馬來西亞宣布減少汽油補貼後，汽油零售價上升41％。印尼及斯里蘭卡減少補貼後，汽油零售價升14-47％。呢D國家嘅CPI响6月份都將大幅上升。依家只有中國仍在大量補貼汽油，而馬來西亞同印尼亦有補貼。中國內地汽油價每公升70美仙（英國係2.2美元）。今時今日，內地所有入油站幾時都有五十架以上嘅貨車排隊等入油（因每天限量供應）。一旦取消補貼，內地汽油價可上升一倍，對用油量多嘅貨車業亦造成沉重壓力。
滬深三百指數跌0.98％，收3512.14。滬深三百指數由去年10月17日5891點跌至今年4月22日3122點，跌幅47％。政府宣布減印花稅後重上4000點，估計後市响3000至4000點之間牛皮。
北京淨化空氣迎奧運
今年7月20日起，北京市內所有建築項目暫停，包括水泥生產、石礦場，甚至附近煤礦及鋼鐵廠，目的係淨化空氣，以便8月8日迎奧運。由此可見中國政府幾咁重視環保！未來中國响環保方面付出將十分重大，環保行業變成極有前途嘅行業。中國財政部响5月28日公布，大部分食品如凍豬肉、花生油、鱈魚、嬰兒食品、乳清、椰油、橄欖油、棉花等入口稅調降50％，最高係零關稅。家吓國內副食品售價大多低於國際水平，降低關稅後進口食品價格仍較國內高，估計進口增幅唔大。
改革開放三十年，尤其係最近二十年，最受惠嘅地區係沿海一帶，但全國農民受惠唔多，反因官員貪污而受害，甚至工人亦只能賺取微薄工資。中國財富集中响全國1％人口手中，佢地擁有全國35％財富。小胡上台後想改變上述情況，決定推出三農政策協助農民，收緊環保條例、提升工資及取消出口退稅，希望中國農民及工人亦能分享中國經濟嘅成就。過去三年人民幣兌美元升值17％以減少通脹壓力，令財富由更多中國人去分享。改革開放政策落實後，唔少地方政府官員喺度招商引資，將政府當成企業，把自己當做老闆，將城市或鄉鎮變成一盤生意！
外國公共管理主義者亦強調「企業家型政府」，意思係叫政府官員一如企業家般精細管理，以最少資源辦最多嘅事。但中國地方政府官員排場似係老闆，每天應酬排得滿滿；官邸亦似老闆極盡豪華，甚至官商勾結，忘記自己嘅身份係人民公僕。
政府係人類社會內嘅某一群體，通過制定公共政策，令社會上每一個人有更好嘅生存條件，根本目標係公共利益最大化，不能偏幫老闆，亦不應只站喺窮人嗰邊。政府官員係維持社會公平、公正、公義制度嘅執行者及制定者，呢點同做企業老闆身份絕對唔同。企業老闆係喺社會制度下盡量賺取利潤，响過程中為人民提供就業、為政府提供稅收、為股東賺取金錢。
因此，政府官員不應將自己當做老闆，因為佢實際上係人民公僕！唔係做一盤生意，而係維持社會公平制度，令企業家有賺錢空間、令人民有就業機會，而唔係搞生意。
改革開放後國企改革，唔少黨政官員變成企業負責人，當起老闆嚟。呢個改革係正確嘅，但中央政府實行政企分家、官商分流方面卻出咗毛病。三十年前大家都係黨政官員，點解今天別人係大老闆、自己係公僕？形成官商關係搞到唔清唔楚。政府與國有企業之間關係說不清，經常出現政府官員為國企「保駕護航」嘅局面，未能做到政企分家、官商分流。
政府職能與企業唔同
政府唔係有限公司，施政目的係讓每一個人有更好生存條件，因此必須公平、公正及公義，為咗接受人民監管而須事事公開；反之，有限公司目的係獲利，响社會制定架構下運作，為股東賺取最大利潤。因此政府係政府，有限公司就係有限公司；官就官，企業家就係企業家，兩者不能混為一談，不然就是官商勾結。
政府嘅職能同企業職能唔同，前者維持秩序、保護人民安全、滿足人民基本需要；後者追求利潤，透過營運而為社會提供就業及產品、服務，目標只有一個──為股東賺錢。
另一分別係喺政府眼中，人民係以人頭計算，無論佢納幾多稅甚至領綜援，都係一個人，不多亦不少。反而企業卻按資本分配，大股東如佔資本51％，佢一個人嘅代表性超過一萬個小股東，從來唔係少數服從多數。例如呢次地震，政府有責任去救每一個災民，因為佢地係中國公民；反之，企業卻冇呢個責任，如佢地肯出資捐助，係企業良心的表現，因此公眾人士可以勸捐，但不可逼捐，因為捐款唔係佢地應盡嘅責任。政府政策必須公平、公正及公義；企業卻毋須如此（例如擁有專利權，甚至可利用本身優勢去進行併購）。
三十年前大家同係黨政官員，今天大家身份已不同──你係國企大老闆，我係政府官員；你為股東搵錢（雖然政府係最大股東），我卻要維持社會秩序，保持一個公平、公正、公義制度，保護個人權利同安全。今天中國政經已分家、官企已分流，只有咁樣，才有一個健全嘅社會制度及良好嘅企業公民！
好多發展中國家最終未能成為OECD國家，理由就係官商之間關係一鑊粥，結果令政府官員腐敗，國家制度唔夠公平、公正及公義，形成財富向小部分人傾斜，而非透過市場競爭、優勝劣敗去獲得，形成政府主導型經濟或財閥壟斷式資本獨佔，少數人控制國家經濟甚至政治嘅例子十分多。例如印尼、菲律賓、巴基斯坦、印度甚至南韓及日本都曾出現上述情況。
今天嘅中國正步入十字路口，政經分家、官企分流能否成功，將決定中國未來命運。
畢非德旗下巴郡股價由去年8月至今年3月上升18％，令畢非德財富再次超過蓋茨。1965年畢非德購入巴郡股份後，股價平均每年上升21.4％，至今仍未停止。
各位都知道處理100萬元同1000萬元唔同，同處理1億元更加唔同。處理100萬元時，一年上升50％並唔困難；處理1000萬元時，一年上升25％已唔容易；到咗1億元，每年上升20％亦困難。畢非德今天財富高達620億美元，仍可以年率21.4％速度上升，可見非常出色。
雷曼唔掂聯儲局陷兩難
道指技術表現進一步轉弱，有理由相信今年3月17日至5月5日係熊市反彈而非牛市開始。Sell in May準確度只有66％，恐怕今年又生效，熊又喺度張牙舞爪。恒指方面，似乎亦只能反彈前跌幅50％，即屬一般反彈，無能力完成反彈前跌幅61.8％嘅強力反彈。今天發球權又返回淡友手裏！
近日貝南奇雖然只提供「口部服務」，美元已有反應。美元回落期係咪結束？商品價格上升期係咪告一段落？仍未能肯定。面對雷曼兄弟事件，聯儲局又陷入兩難局面，既然救咗貝爾斯登，又救唔救雷曼兄弟（雖然雷曼情況好D，表示仍未需要聯儲局幫助）？
石油方面，根據美國能源資料協會嘅數據，2004年全球供應上升1.4％、2005年0.9％、2006年0.2％、去年0.1％，而需求保持每年1.5％增長，到今年便供不應求。
Veteran Fidelity投資經理Anthony Bolton認為，商品價格已大升五年，係時候退出商品市場，重新投資金融股。佢管理嘅Special Situations Fund過去二十八年平均每年升幅超過20％。佢睇好英國銀行股，並以中、小型為主，因次按危機令它們變得好便宜。佢估計股市熊市持續，低潮係今年下半年或明年年初，但銀行股最先見底。Wachovia董事局要求CEO Ken Thompson辭職，由現任主席Lanty Smith做過渡性CEO。Thompson擁有二十六萬股Wachovia，其中十八萬股去年10月從市場購入，平均價40美元，依家賬面損失超過300萬美元（現價21.74美元）。由此睇嚟，內幕人士買股票唔一定贏梗！
微軟去年1月出價每股40美元收購雅虎，被雅虎CEO拒絕；最近再出價33美元被拒絕。近日雅虎股東入稟法院控告雅虎管理層，理由係雅虎現價只值26美元。响股東壓力下，雅虎表示願意再同微軟洽談，分析界相信呢次成事機會好大，收購價應喺33至40美元之間。
不過，如本港公司收購告吹，小股東能否控告公司管理層？
據Hometrack調查結果，28％受僱英國年輕人無能力購買英國最廉價嘅物業，响倫敦有關比例更高達40％。如英國樓價再跌多10％，上述數字將降至22.5％；而上述情況正在發生中。
投資第一條：有智慧不如趨勢。例如1997年8月至2003年3月大趨勢係向下，做好友事倍功半；2003年3月到2007年10月大趨勢向上，做好友則事半功倍。
投資第二條：大氣候與小氣候；大方向向上，亦有逆市下跌股；大方向向下，亦有逆市上升股。了解大方向後，必須留意唔同行業（sector）本身盛衰周期。
投資第三條：唔好跟大隊。太多好友時唔入貨，太多淡友時唔拋空。
■綠色環球資源（061）、卓越金融（727）、科鑄技術（2302）停牌。
6月5日，周四。恒生指數升132.04，收24255.29；成交636.89億元。6月期指升327點，收24230點。中國網通（906）升2％，報23.25元；中石化（386）升4.4％，報8.02元；中海油（883）跌2.1％，報12.98元。紐約期油跌1.6％，收122.30美元，由5月22日至今已回落8％。OPEC主席認為，如美元轉強，油價可進一步下跌。巴西發現近三十年內最大嘅油田，但唔易開採，估計開採成本約2400億美元，80%係石油，存油達五百億桶（超過利比亞）；另20％係天然氣（一桶油相當於七百至一千立方米天然氣）。
內房股仲未見底
5月份內房股表現幾令人失望，例如上置集團（1207）跌幅達26％。今年1月至5月內房股跌幅亦唔細，如首創置業（2868）跌幅達43％【圖一、二】。摩根大通中國地產指數今年首五個月下跌28％（同期恒指跌13％），可以講內房股全面轉弱。不過，5月份內地樓宇成交額無論上海、北京、深圳及廣州都回升（5月12日人行再公布提高銀行存款準備金率）。
家吓內房股今年平均O（以今年預測純利計）係十五點九倍，明年估計純利O十一點二倍。其他中價股O只有七點七到十一點七倍，即依家內房股O計仍略為偏高。摩根大通估計，短期內房股仍有下跌空間，唔排除今年下半年才見底。
美國MBIA及世界最大債券保險公司Ambac宣布唔會再集資去維持三A評級。穆廸今年第二次評估兩公司信用，認為佢地唔增加資本，可能會失去三A評級，繼而令股價急跌。
法國第三大銀行Credit Agricole股價再跌6.7％，成15.57歐羅，係2003年4月以來最低；佢為去年資產撥備55億歐羅而須集資59億歐羅。5月13日宣布三股供一股，發行新股每股10.6歐羅，至今股價已下跌25％。
花旗推介兗州煤業（1171），認為山東省政府6月2日通知7月至9月唔准加價只係暫時性。亦推介澳科控股（2300），目標價10.7元，估計今年每股獲利53仙，升22.7％，O十六點一倍。
內地幾大航空公司已向民航局提出申請，提高燃油附加費（依家八百公里以下每位旅客60元，八百公里以上每位100元）。
另一方面，印度國會通過減少汽油補貼，令汽油零售價升8-17％。馬來西亞宣布減少汽油補貼後，汽油零售價上升41％。印尼及斯里蘭卡減少補貼後，汽油零售價升14-47％。呢D國家嘅CPI响6月份都將大幅上升。依家只有中國仍在大量補貼汽油，而馬來西亞同印尼亦有補貼。中國內地汽油價每公升70美仙（英國係2.2美元）。今時今日，內地所有入油站幾時都有五十架以上嘅貨車排隊等入油（因每天限量供應）。一旦取消補貼，內地汽油價可上升一倍，對用油量多嘅貨車業亦造成沉重壓力。
滬深三百指數跌0.98％，收3512.14。滬深三百指數由去年10月17日5891點跌至今年4月22日3122點，跌幅47％。政府宣布減印花稅後重上4000點，估計後市响3000至4000點之間牛皮。
北京淨化空氣迎奧運
今年7月20日起，北京市內所有建築項目暫停，包括水泥生產、石礦場，甚至附近煤礦及鋼鐵廠，目的係淨化空氣，以便8月8日迎奧運。由此可見中國政府幾咁重視環保！未來中國响環保方面付出將十分重大，環保行業變成極有前途嘅行業。中國財政部响5月28日公布，大部分食品如凍豬肉、花生油、鱈魚、嬰兒食品、乳清、椰油、橄欖油、棉花等入口稅調降50％，最高係零關稅。家吓國內副食品售價大多低於國際水平，降低關稅後進口食品價格仍較國內高，估計進口增幅唔大。
改革開放三十年，尤其係最近二十年，最受惠嘅地區係沿海一帶，但全國農民受惠唔多，反因官員貪污而受害，甚至工人亦只能賺取微薄工資。中國財富集中响全國1％人口手中，佢地擁有全國35％財富。小胡上台後想改變上述情況，決定推出三農政策協助農民，收緊環保條例、提升工資及取消出口退稅，希望中國農民及工人亦能分享中國經濟嘅成就。過去三年人民幣兌美元升值17％以減少通脹壓力，令財富由更多中國人去分享。改革開放政策落實後，唔少地方政府官員喺度招商引資，將政府當成企業，把自己當做老闆，將城市或鄉鎮變成一盤生意！
外國公共管理主義者亦強調「企業家型政府」，意思係叫政府官員一如企業家般精細管理，以最少資源辦最多嘅事。但中國地方政府官員排場似係老闆，每天應酬排得滿滿；官邸亦似老闆極盡豪華，甚至官商勾結，忘記自己嘅身份係人民公僕。
政府係人類社會內嘅某一群體，通過制定公共政策，令社會上每一個人有更好嘅生存條件，根本目標係公共利益最大化，不能偏幫老闆，亦不應只站喺窮人嗰邊。政府官員係維持社會公平、公正、公義制度嘅執行者及制定者，呢點同做企業老闆身份絕對唔同。企業老闆係喺社會制度下盡量賺取利潤，响過程中為人民提供就業、為政府提供稅收、為股東賺取金錢。
因此，政府官員不應將自己當做老闆，因為佢實際上係人民公僕！唔係做一盤生意，而係維持社會公平制度，令企業家有賺錢空間、令人民有就業機會，而唔係搞生意。
改革開放後國企改革，唔少黨政官員變成企業負責人，當起老闆嚟。呢個改革係正確嘅，但中央政府實行政企分家、官商分流方面卻出咗毛病。三十年前大家都係黨政官員，點解今天別人係大老闆、自己係公僕？形成官商關係搞到唔清唔楚。政府與國有企業之間關係說不清，經常出現政府官員為國企「保駕護航」嘅局面，未能做到政企分家、官商分流。
政府職能與企業唔同
政府唔係有限公司，施政目的係讓每一個人有更好生存條件，因此必須公平、公正及公義，為咗接受人民監管而須事事公開；反之，有限公司目的係獲利，响社會制定架構下運作，為股東賺取最大利潤。因此政府係政府，有限公司就係有限公司；官就官，企業家就係企業家，兩者不能混為一談，不然就是官商勾結。
政府嘅職能同企業職能唔同，前者維持秩序、保護人民安全、滿足人民基本需要；後者追求利潤，透過營運而為社會提供就業及產品、服務，目標只有一個──為股東賺錢。
另一分別係喺政府眼中，人民係以人頭計算，無論佢納幾多稅甚至領綜援，都係一個人，不多亦不少。反而企業卻按資本分配，大股東如佔資本51％，佢一個人嘅代表性超過一萬個小股東，從來唔係少數服從多數。例如呢次地震，政府有責任去救每一個災民，因為佢地係中國公民；反之，企業卻冇呢個責任，如佢地肯出資捐助，係企業良心的表現，因此公眾人士可以勸捐，但不可逼捐，因為捐款唔係佢地應盡嘅責任。政府政策必須公平、公正及公義；企業卻毋須如此（例如擁有專利權，甚至可利用本身優勢去進行併購）。
三十年前大家同係黨政官員，今天大家身份已不同──你係國企大老闆，我係政府官員；你為股東搵錢（雖然政府係最大股東），我卻要維持社會秩序，保持一個公平、公正、公義制度，保護個人權利同安全。今天中國政經已分家、官企已分流，只有咁樣，才有一個健全嘅社會制度及良好嘅企業公民！
好多發展中國家最終未能成為OECD國家，理由就係官商之間關係一鑊粥，結果令政府官員腐敗，國家制度唔夠公平、公正及公義，形成財富向小部分人傾斜，而非透過市場競爭、優勝劣敗去獲得，形成政府主導型經濟或財閥壟斷式資本獨佔，少數人控制國家經濟甚至政治嘅例子十分多。例如印尼、菲律賓、巴基斯坦、印度甚至南韓及日本都曾出現上述情況。
今天嘅中國正步入十字路口，政經分家、官企分流能否成功，將決定中國未來命運。
畢非德旗下巴郡股價由去年8月至今年3月上升18％，令畢非德財富再次超過蓋茨。1965年畢非德購入巴郡股份後，股價平均每年上升21.4％，至今仍未停止。
各位都知道處理100萬元同1000萬元唔同，同處理1億元更加唔同。處理100萬元時，一年上升50％並唔困難；處理1000萬元時，一年上升25％已唔容易；到咗1億元，每年上升20％亦困難。畢非德今天財富高達620億美元，仍可以年率21.4％速度上升，可見非常出色。
雷曼唔掂聯儲局陷兩難
道指技術表現進一步轉弱，有理由相信今年3月17日至5月5日係熊市反彈而非牛市開始。Sell in May準確度只有66％，恐怕今年又生效，熊又喺度張牙舞爪。恒指方面，似乎亦只能反彈前跌幅50％，即屬一般反彈，無能力完成反彈前跌幅61.8％嘅強力反彈。今天發球權又返回淡友手裏！
近日貝南奇雖然只提供「口部服務」，美元已有反應。美元回落期係咪結束？商品價格上升期係咪告一段落？仍未能肯定。面對雷曼兄弟事件，聯儲局又陷入兩難局面，既然救咗貝爾斯登，又救唔救雷曼兄弟（雖然雷曼情況好D，表示仍未需要聯儲局幫助）？
石油方面，根據美國能源資料協會嘅數據，2004年全球供應上升1.4％、2005年0.9％、2006年0.2％、去年0.1％，而需求保持每年1.5％增長，到今年便供不應求。
Veteran Fidelity投資經理Anthony Bolton認為，商品價格已大升五年，係時候退出商品市場，重新投資金融股。佢管理嘅Special Situations Fund過去二十八年平均每年升幅超過20％。佢睇好英國銀行股，並以中、小型為主，因次按危機令它們變得好便宜。佢估計股市熊市持續，低潮係今年下半年或明年年初，但銀行股最先見底。Wachovia董事局要求CEO Ken Thompson辭職，由現任主席Lanty Smith做過渡性CEO。Thompson擁有二十六萬股Wachovia，其中十八萬股去年10月從市場購入，平均價40美元，依家賬面損失超過300萬美元（現價21.74美元）。由此睇嚟，內幕人士買股票唔一定贏梗！
微軟去年1月出價每股40美元收購雅虎，被雅虎CEO拒絕；最近再出價33美元被拒絕。近日雅虎股東入稟法院控告雅虎管理層，理由係雅虎現價只值26美元。响股東壓力下，雅虎表示願意再同微軟洽談，分析界相信呢次成事機會好大，收購價應喺33至40美元之間。
不過，如本港公司收購告吹，小股東能否控告公司管理層？
據Hometrack調查結果，28％受僱英國年輕人無能力購買英國最廉價嘅物業，响倫敦有關比例更高達40％。如英國樓價再跌多10％，上述數字將降至22.5％；而上述情況正在發生中。
投資第一條：有智慧不如趨勢。例如1997年8月至2003年3月大趨勢係向下，做好友事倍功半；2003年3月到2007年10月大趨勢向上，做好友則事半功倍。
投資第二條：大氣候與小氣候；大方向向上，亦有逆市下跌股；大方向向下，亦有逆市上升股。了解大方向後，必須留意唔同行業（sector）本身盛衰周期。
投資第三條：唔好跟大隊。太多好友時唔入貨，太多淡友時唔拋空。
■綠色環球資源（061）、卓越金融（727）、科鑄技術（2302）停牌。