【粤语短文连载】《佬》
来源:百度文库 编辑:神马文学网 时间:2024/10/02 16:49:58
【粤语短文连载】《佬》
本主题由 干蒸 于 2010-6-7 21:06 加入精华 收藏 分享
紮那魯剛多
- 发短消息
- 加为好友
紮那魯剛多 当前离线
- 精华
- 14
- 威望
- 350 点
- 贡献
- 0 点
- 注册时间
- 2008-12-4
网站版主
- 帖子
- 1295
- 积分
- 6251
- 论坛币
- 1954 两
- 活跃度
- 2413 点
- 性别
- 男
- 来自
- 廣州 海珠
- 在线时间
- 1718 小时
- 最后登录
- 2010-9-6
好多女人中意叫自己嘅男人做「佬」,佢地闲谈之间好经常讲到我只佬如何如何......
能够畀女人叫自己做「佬」嘅男人应该感到幸福,因为佢地已经得到咗呢个女人嘅认同,亦因为呢句「佬」,男人应该更加完善自己,尽力做好作为「佬」嘅本份。
有啲男人,不修边幅,头发零乱,指甲捆黑边,随地吐痰,挖鼻屎如入无人之境嘅,嗰啲唔叫佬,叫核凸佬。
有啲男人,望人先望个胸,中意讲咸湿笑话,肉麻当有趣,讲嘢专占女人便宜嘅,嗰啲唔叫佬,叫咸湿佬。
有啲男人,唱K每次都只唱同一只歌,喜欢带劲粗金链,或者带超大只金戒指,仲要中间有个「发」字嘅,嗰啲唔叫佬,叫老土佬。
有啲男人,成日著底衫型背心,或者夏威夷恤衫出街,有臭狐,有口气,又喜欢离你超近讲嘢嘅,嗰啲唔叫佬,叫麻甩佬。
有啲男人,斤斤计较,讲嘢针锋相对,句句有骨,做事又怕死又反动嘅,嗰啲唔叫佬,叫CHEAP佬。
有啲男人,讲嘢阴声细气,姐手姐脚,油头粉面,一日用两包湿巾,熟悉各种化妆品用途,甚至讲起生仔仲熟过啲姨记嘅,嗰啲唔叫佬,叫乸佬。
有啲男人,开口讲只抽,埋口讲拖马,三句说话有两句半系粗口,净返嗰半句系标点符号嘅,就算系肌肉猛男,都唔会有安全感,嗰啲唔叫佬,叫傻佬。
有啲男人……
其实,「佬」应该系男人中嘅极品,因为一般嚟讲,男人比女人迟熟,亦比女人更加似小朋友。作为一个男人系要经过好多嘅风雨,好多嘅挫折,好多嘅磨练,先会成长。先至会摆脱到幼稚、自大,摆脱到自以为是,摆脱到扮成熟等等嘅马甲,而成为一个有男人味、有智慧、成熟稳重、能够善用脑力而小用暴力去保护女人嘅男人。呢种男人,咁先配称做「佬」。
女人对男人最基本嘅要求,系佢似返个男人,点先算系个男人呢?就系「佬」,起码佢爱你,认同你系佢嘅「佬」。
已经有幸成为你女人心目中嘅佬嘅兄弟,羡慕你......